កុំឲ្យទុយយោទឹកធ្លាយ កុំដាក់លុយរាយប៉ាយក្នុងផ្ទះ នេះក្បូនហុងស៊ុយ ៥ ដែលមិនអ្នកគួររំលង

៥) ការរៀបចំអាសនៈមិនបានត្រឹមត្រូវ

1

អាសនៈនៃព្រះឬរបស់សក្ដិសិទ្ធិទាំងឡាយ អ្នកត្រូវរៀបចំដាក់នៅកន្លែងដែលស្ងប់ស្ងាត់ មិនមានមនុស្សដើរឆ្លងកាត់ច្រើន ហើយបើព្យួរឬតម្កល់នៅទីតាំងណាមួយ ត្រូវដាក់ឲ្យមានភាពនឹងន មិនឲ្យផ្អៀងរៀបធ្លាក់នោះឡើយ។

ជាងនេះក៏មិនត្រូវដាក់នៅក្បែរបង្គន់ ដាក់ក្បែរផ្ទះបាយដែរ ព្រោះរមែងនាំឲ្យម្ចាស់ផ្ទះជួបរឿងមិនល្អ គ្មានលាភគ្មានសំណាងចូលផ្ទះ ហើយទំនាក់ទំនងប្តីប្រពន្ធក៏ងាយនឹងបែកខ្ញែកគ្នាទៅតាមនោះដែរ។

៤) រូបភាពតាំងលម្អរហែកឬបាក់បែក

2

មនុស្សសម័យនេះគេពេញនិយមទិញរូបភាពមកតាំងលម្អ ដូចជារូបភាពទេសភាព ឬរូបភាពគួរឲ្យគោរពណាមួយ ដោយជឿទៅតាមក្បួនថាអាចនាំសំណាងល្អ។

យ៉ាងណាអាជីពការងារ ផលចំណេញក្នុងអាជីវកម្មរបស់អ្នក ក៏អាចស្រុតចុះទៅតាមរូបភាពតាំងលម្អនោះដូចគ្នា ប្រសិនអ្នកមិនបានមើលវាឲ្យដិតដល់ ដោយបណ្តោយឲ្យវារហែក ធ្លាក់រប៉ាត់រប៉ាយហើយពុំបានរៀបចំឲ្យត្រឹមត្រូវ ឬជួសជុលកែលម្អឲ្យដូចដើម។

៣) ដាក់លុយរាយប៉ាយក្នុងផ្ទះ


នៅក្នុងផ្ទះ អ្នកដើរដាក់លុយរាយប៉ាយ នៅកន្លែងនេះបន្តិច កន្លែងនោះបន្តិច ទោះវាមិនច្រើនក្តី តែអ្នកមិនត្រូវធ្វើបែបហ្នឹងឡើយ។ តាមក្បូនហុងស៊ុយ លុយត្រូវប្រមូលផ្តុំមកទុកកន្លែងតែមួយ មិនត្រូវរាយប៉ាយតាមតែចិត្តនោះទេ ព្រោះវានឹងនាំឲ្យអ្នកពិបាកកើបវាត្រលប់មកវិញ។

២) ដាំរុក្ខជាតិមានបន្លា

4

រុក្ខជាតិបៃតងមួយចំនួនដែលគួរតែដាំក្នុងផ្ទះ យើងបានណែនាំបង្ហាញកន្លងមកហើយ តែអ្វីដែលអ្នកគួរជៀសវាង គឺរុក្ខជាតិដែលមានបន្លា។ ព្រោះតាមក្បួនវាងាយនឹងធ្វើឲ្យម្ចាស់ផ្ទះចុះខ្សោយសុខភាព។

១) ទុយយោទឹកធ្លាយមិនជួសជុល

Nguyên Nhân Rò Rỉ đường ống Nước âm Tường

លុយហូរចូលដូចទឹក តែបើទុយយោទឹកខូចធ្លាយហើយមិនព្រមជួសជុល នោះស្មើនឹងនាំឲ្យលុយកំពុងហូរចេញទៅវិញដូច្នោះដែរ។ អ្នកគួរតែជួសជុលវាឲ្យបានស្អាត ឬបំពាក់ទុយយោថ្មី ណាមួយក៏ជារឿងដែលគួរសន្សំសំចៃ ជាជាងបង្ហូរទឹកចោលជាប្រចាំ៕

ប្រភព៖ បរទេស | ប្រែសម្រួល៖ ក្នុងស្រុក