ច្បាស់ដូចថ្ងៃ! ជ្រើសរើសមួកមួយដែលអ្នកពេញចិត្ត អាចទាយដឹង ថាអ្នកជាមនុស្សបែបណា?
តាមរយៈមួកទាំង ៤ មានភាពខុសប្លែកពីគ្នា ចុះសម្រាប់ការយល់ឃើញរបស់អ្នក តើអ្នកពេញចិត្តមួកមួយណាជាងគេ ដែលគិតថាសក្តិសមនឹងអ្នក? តាមរយៈចម្លើយរបស់អ្នក យើងអាចបង្ហាញចំៗថាអ្នកជាមនុស្សបែបណា ហើយគួរទទួលបានសារណែនាំអ្វីខ្លះសម្រាប់ជីវិត៖
មួកទី ១
មួកទីមួយនេះ បង្ហាញថាជីវិតអ្នកហាក់កំពុងជួបបញ្ហានៅពេលកន្លងមក តែតាមរយៈការជ្រើសរើសសារនេះ គឺចង់ប្រាប់អ្នកថា គ្រប់បញ្ហាទាំងអស់នោះ នឹងត្រូវរសាត់បាត់បន្តិចម្តងៗពីជីវិតរបស់អ្នកនៅពេលខាងមុខ។
មិនថាតែបញ្ហាការងារ ការរកស៊ី ឬបញ្ហាសុខភាពដែលកំពុងមាន វាក៏នឹងជាសះស្បើយ បន្ថែមភាពរឹងមាំត្រលប់មកឲ្យអ្នកវិញ ហើយលាយឡំដោយភាពសប្បាយរីករាយ និងជោគជ័យពិតប្រាកដ។
មួកទី ២
អ្នកជាមនុស្សដែលពូកែខាងសន្ទនា ខាងប្រាស្រ័យទាក់ទង តែយ៉ាងណាយើងបានរកឃើញថា នៅពេលនេះ អ្នកដូចជាមានគេនិយាយដើមពីក្រោយខ្នង។ យ៉ាងណាយើងសូមណែនាំទៅកាន់អ្នក បើដឹងថាជានរណាហើយ ក៏កុំមានការយកចិត្តទុកដាក់ខ្លាំងពេកអី ព្រោះសម្តីរបស់គេមិនមានតម្លៃដល់ថ្នាក់អ្នកត្រូវចាយពេលវេលាទៅខាតប្រយោជន៍ជាមួយនោះទេ។
មួកទី ៣
អ្នកជាមនុស្សដែលរំពឹងខ្ពស់លើប្រាក់ចំណូល ដែលនាំឲ្យពេលខ្លះវារាងបាក់ទឹកចិត្តខ្លាំងបន្តិចដែរ តែអ្នកក៏ត្រូវរៀនទទួលយក ព្រោះជីវិតមនុស្សយើងគ្មានតុល្យភាពនោះទេ បើមានឡើងក៏គង់មានថ្ងៃមានចុះខ្លះអ៊ីចឹងហើយ។ ទោះជាយ៉ាងណានៅពេលខាងមុខ យើងណែនាំឲ្យអ្នកមានការសន្សំសំចៃបន្តិច ព្រោះអ្នកអាចនឹងប្រឈមបញ្ហាចំណាយច្រើនជាងចំណូល។
មួកទី ៤
អ្នកជាមនុស្សដែលគិតពីអ្នកដទៃជុំវិញខ្លួនខ្លាំងជាងខ្លួនឯង។ អ្នកមើលឃើញ បារម្ភសុខទុក្ខគេណាស់ តែពេលខ្លះភ្លេចបង្កើតក្តីសុខសម្រាប់ខ្លួនឯង។
វាជាទង្វើគាប់ប្រពៃហើយ តែក្នុងកាលៈទេសៈខ្លះយើងមិនអាចអាត្មានិយមចំពោះខ្លួនឯងរហូតនោះទេ ដល់ពេលហើយត្រូវគិតពីខ្លួនឯងខ្លះផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
