ឆុតដូចធ្លាប់រស់នៅជាមួយគ្នា! បើកបៀរមួយសន្លឹក អាចទាយដឹង ថាអ្នកជាមនុស្សបែបណា?

មនុស្ស​ជា​ច្រើន​មិន​ទាន់​ស្គាល់​ពី​ខ្លួន​ឯង​អស់​នោះ​ទេ ពេល​ខ្លះ​ដល់​អ្នក​ដទៃ​និយាយ​មក រៀបរាប់​មក​ក៏​ចាប់​ផ្តើម​កត់​សម្គាល់​ថា ខ្លួន​ឯង​ពិត​ជា​អ៊ីចឹង​មែន។

ក្នុង​អត្ថបទ​នេះ យើង​នឹង​បង្ហាញ​ការ​ធ្វើ​តេស្ត​បែប​វិទ្យាសាស្រ្ត​ជាមួយ​អ្នក​រាល់​គ្នា ដោយ​អ្នក​គ្រាន់​តែ​ជ្រើសរើស​នូវ​បៀរ​មួយសន្លឹក ​ក្នុង​ចំណោម​បៀរទាំង ៣ ដើម្បី​ទម្លាយ​ឲ្យ​ឃើញ​ថា តើ​អ្នក​ជា​មនុស្ស​បែប​ណា?

សន្លឹកបៀរទី ១

1

រាប់​បាន​ថា​ជា​មនុស្ស​ឧស្សាហ៍​ព្យាយាម និង​មាន​ទំនួល​ខុស​ត្រូវ​ខ្ពស់​ក្នុង​ការងារ ក៏​ដូច​ជា​ភារកិច្ច​ដែល​ខ្លួន​ត្រូវ​ធ្វើ។

និយាយ​ពី​ការងារ​វិញ អ្នក​ចូលចិត្ត​ប្រភេទ​ការងារ​ណា​ដែល​អាច​ធ្វើ​ដំណើរ​កម្សាន្ត​បាន​ច្រើន ហើយ​ទៅ​កន្លែង​ថ្មីៗ គឺ​អ្នក​រមែង​ពេញ​ចិត្ត​បំផុត។ យ៉ាង​ណា​យើង​សូម​សរសើរ​នូវ​ភាព​រឹងមាំ​មួយ​របស់​អ្នក​ពី​ធម្មជាតិ នោះ​គឺ​ទំនួល​ខុស​ត្រូវ​ដែល​មាន​គ្រប់​ស្ថានការណ៍​ទាំង​អស់។

សន្លឹកបៀរទី ២


2

អ្នក​ជា​មនុស្ស​ដែល​ចេះ​បារម្ភ យក​ចិត្ត​ទុក​ដាក់​ចំពោះ​មនុស្ស​ជុំវិញ​ខ្លួន បើទោះបីអ្នកនោះ មិនត្រូវជាអ្វីជិតដិតនឹងអ្នកក៏ដោយ។ អ្នក​ដែល​បាន​នៅ​ក្បែរ​អ្នក​គេ​មាន​អារម្មណ៍​ថា​កក់ក្តៅ និង​សុវត្ថិភាព​ជា​និច្ច។

និយាយ​ក្នុង​អាជីព​ការងារ អ្នក​ពូកែ​ខាង​ជំនាញ​គ្រប់គ្រង មិន​ថា​ស្ថាប័ន​ធំ​តូច ក៏​អ្នក​រមែង​អាច​ធ្វើ​ទៅ​បាន ឲ្យ​តែ​អ្នក​មាន​ចិត្ត​ខំ​ប្រឹង មិន​ខ្ជិល​ច្រអូស។

សន្លឹកបៀរទី ៣

3

ជា​មនុស្ស​ដែល​មាន​ស្ថិរភាព ហើយ​មាន​ការ​រៀបចំ​ដោយ​មាន​របៀបរៀបរយ និង​តែងតែ​ផ្តោត​លើ​គោលដៅ​ជីវិត។ និយាយ​ពី​អាជីព​ការងារ​វិញ អ្នក​ដែល​ជ្រើសរើស​យក​សន្លឹកនេះ ភាគ​ច្រើន​ជា​មនុស្ស​ដែល​ជំនាញ​ខាង​គណនេយ្យករ គ្រូ​បង្រៀន មេធាវី ចុងភៅ ​និង​អ្នក​រចនា​ជា​ដើម៕