រដ្ឋមន្ត្រីក្រសួងវប្បធម៌ និងវិចិត្រសិល្ប: ផ្តល់អំណោយដល់មន្រ្តីរាជការនាយកដ្ឋានមួយចំនួនដែលកំពុងខ្វះខាតជីវភាពក្នុងការបិទខ្ទប់ប្រទេស

កាលពីថ្មីៗនេះ លោក ប៉ុក បូរ​ក្ស ប្រធាន​នាយកដ្ឋាន​សិល្បៈ​ភាពយន្ត និង​ផ្សព្វផ្សាយ​វប្បធម៌ នៃ​ក្រសួង​វប្បធម៌ និង​វិចិត្រសិល្បៈ បានចេញមុខថ្លែងអំណរគុណយ៉ាងជ្រាលជ្រៅចំពោះ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្ប: ដែលបានផ្តល់ជាអំណោយមួយចំនួនសម្រួលដល់ការលំបាករបស់មន្ត្រីក្រសួងដែលកំពុងតែជួបប្រទះក្នុងវិបត្តិកូវីត១៩ ក្នុងពេលកំពុងតែបិទខ្ទប់ប្រទេសនេះ។

17155989_1507932399248874_4304407601798769942_n

តាមរយៈគណនីហ្វេសប៊ុករបស់ លោក ប៉ុក បូរ​ក្ស បានបង្ហោះរូបភាពជាច្រើននៅក្នុងការចែកអំណោយ ថែមទាំងបានរៀបរាប់យ៉ាងលម្អិតថា៖ « តាំងនាមមន្រ្តីរាជការនាយកដ្ឋានសិល្បភាពយន្ត និងផ្សព្វផ្សាយវប្បធម៌ ខ្ញុំសូមថ្លែងអំណរគុណយ៉ាងជ្រាលជ្រៅលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្ប: ឯ.ឧ ហ៊ឺ វីរះ ប្រធានក្រុមការងារយុវជនគណបក្សក្រសួងវប្បធម៌ និងវិចិត្រសិល្ប: ព្រមទាំងឯកឧត្ដម លោកជំទាវ ជាថ្នាក់ដឹកនាំយុវជនក្រសួងវប្បធម៌ និងវិចិត្រសិល្ប: ដែលបានផ្តល់អំណោយជាសម្ភារ:គ្រឿងឧបភោគ បរិភោគ ដល់មន្រ្តីរាជការនាយកដ្ឋានមួយចំនួនដែលកំពុងប្រឈម និងខ្វះខាតជីវភាពក្នុងអំឡុងពេលនៃការបិទខ្ទប់ភូមិសា្រស្តរាជធានីភ្នំពេញ និងក្រុងតាខ្មៅ »។

Screen Shot 2021 04 27 At 5.04.30 PM

177645348_10226038837176737_7320289382454614117_n

179459978_10226038836616723_4469724357631587679_n


គួរឱ្យដឹងផងដែរថា ដើម្បីការពារការឆ្លងរាលដាលនៃជំងឺកូវីត១៩ដែលកំពុងតែកើនឡើងករណីឆ្លងច្រើនគួរឱ្យព្រួយបារម្ភនោះ ប្រមុខរដ្ឋាភិបាល បានសម្រេចបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្ដាល រយៈពេល១៤ថ្ងៃ ចាប់ពីវេលាម៉ោង ០០៖០០នាទីឈានចូលថ្ងៃទី១៥ ដល់ថ្ងៃទី២៨ ខែមេសា ឆ្នាំ២០២១ ដើម្បីទប់ស្កាត់ការឆ្លងរាលដាលនៃជម្ងឺកូវីដ១៩ ។

179056218_10226038837256739_3793045402582715985_n

176125011_10226038837816753_2560099507025156714_n

178482318_10226038836736726_8044994501137569055_n

តែកាលពីថ្ងៃទី២៦ ខែមេសា ឆ្នាំ២០២១ ប្រមុខរដ្ឋាភិបាលក៏បានសម្រេចបិទខ្ទប់រាជធានីភ្នំពេញ និងក្រុងតាខ្មៅ ខេត្តកណ្តាល រយៈពេល១សប្តាហ៍បន្ថែមទៀត ដើម្បីទប់ស្កាត់ការរីករាលដាលជំងឺកូវីដ១៩ រហូតដល់ថ្ងៃទី០៥ ខែឧសភា ឆ្នាំ២០២១ ព្រមទាំងបែងចែកកំណត់ជា «តំបន់ក្រហម» «តំបន់លឿងទុំ» និង «តំបន់លឿង»

Photo_2021 04 10_14 33 42 5