ដូច​ជីក​ដី​បាន​កំណប់​មាស ជោគវាសនា​ប្រុស​ស្រី​កើត​ឆ្នាំ​ទាំង ៤ ​នៅ​ពាក់​កណ្ដាល​ខែ​ធ្នូ

តាម​ជើង​លេខ គ្រូ​ហោរ​បាន​ទស្សន៍ទាយ​ឃើញ​ថា​នៅ​រយៈ​កាល​នា​ពាក់​កណ្តាល​ខែ​ធ្នូ ចំ​សប្តាហ៍​ក្រោយ​ថ្ងៃ​ទី ១៥ ​ត​ទៅ ដួង​រាសី​ម្ចាស់​ឆ្នាំ​ទាំង ៤ ដូច​រៀបរាប់​ខាង​ក្រោម​នេះ នឹង​ឡើង​ខ្ពស់​ត្រដែត​មាន​លាភ មាស​ប្រាក់​ហូរ​ចូល​គ្រប់​ទិសទី ក៏​នឹង​បាន​ឡើង​ឋានៈ​បុណ្យស័ក្ដិ​ខ្ពង់ខ្ពស់៖

អ្នក​កើត​ឆ្នាំ​ជូត – កណ្តុរ

កណ្ដុរ​មាន​ឬទ្ធិ​នាំ​លាភ ប្រមូល​ផ្តុំ​សំណាង បាន​ការ​ប៉ងប្រាថ្នា​ទាំង​ឡាយ ក្លាយ​ទៅ​ជា​ការ​សម្រេច នា​ចន្លោះ​ពាក់​កណ្តាល ដល់​ចុង​ខែ​ធ្នូ។ គ្រប់​ច្រក​គ្រប់​ផ្លូវ អ្នក​នឹង​ទទួល​បាន​ផ្លែផ្កា លទ្ធផល​ហួស​ពី​ការ​ស្មាន កើត​ភាព​មាន​បាន​សមប្រកប​ល្អ​ប្រសើរ​ណាស់។

ដូច​មាន​ទេវតា​តាម​ថែ​រក្សា ចារ​តែ​សុខ តែ​សិរី ចូល​មក​ក្នុង​ជីវិត​ម្ចាស់​ឆ្នាំ ជូត ដួង​រាសី​រយៈ​កាល​ថ្ងៃ​ទី ១៥ ​ត​ទៅ​មុខ នឹង​គេច​ផុត​អស់​ទុក្ខ​អស់​ភ័យ រី​ឯ​សម្ព័ន្ធ​ភាព​ស្នេហា​ប្រុស​ស្រី នឹង​កើត​តែ​ភាព​ផ្អែមល្ហែម​រក​គ្នា​ជានិច្ច។

អ្នក​កើត​ឆ្នាំ​ឆ្លូវ – គោ

Ice_screenshot_20221207 142337

លេខ​នាំ​សំណាង​ស្តេច​គោ​សក្តិសិទ្ធ គឺ​លេខ ២៥៥ បូក​ចំ​ជា​លេខ ១២ ពេញ​តួ​ល្អ​ណាស់ រី​ឯ​ពណ៌​នាំ​សំណាង នាំ​ប្រាក់​កាក់​ចូល​ក្នុង​ផ្ទះ គឺ​គួរ​ជ្រើស​ប្រើ​ពណ៌​មាស និង​ពណ៌​ខៀវ។ ពេលវេលា​ខាង​មុខ រាល់​ការ​ជាវ​របស់​អ្វី​មួយ មិន​ថា​ទូរស័ព្ទ ​រថយន្ត​ថ្មី ផ្ទះ​ថ្មី គឺ​ជា​ពេលវេលា​ល្អ បន្ថែម​សុខ​សិរី​ច្រើន​ឆ្នាំ​ទៅ​មុខ​ត​កូន​ចៅ។

នៅ​កំឡុង​ពាក់​កណ្តាល​ខែ​ធ្នូ រាប់​ពី​ថ្ងៃ​ទី ១៥ អ្នក​កើត​ឆ្នាំ​ឆ្លូវ ហាក់​មាន​បញ្ញា​វាងវៃ គិត​អ្វី​ក៏​ចេញ រក​អ្វី​ក៏​ចំណេញ គ្រប់​កិច្ច​ការងារ របរ​រកស៊ី​នានា​នឹង​ទទួល​បាន​ជោគជ័យ​ហូរ​ចូល​មិន​ដាច់ សម្រេច​កើត​ជា​ផល​គ្រប់​ប្រការ។

អ្នក​កើត​ឆ្នាំ​ខ្លា - ខាល


Ice_screenshot_20221207 142329

តាម​ទំនាយ​កំពូល​ហោរា​ចិន​សែ បាន​កំណត់​មក​ថា រង្វង់​នា​ប៉ុន្មាន​ថ្ងៃ​ពាក់​កណ្តាល​ខែ​ធ្នូ ការ​តស៊ូ​របស់​ម្ចាស់​ឆ្នាំ​ខាល នឹង​សម្រេច​កើត​ជា​ផល សល់​ទ្រព្យ​ជា​ដុំកំភួន រាល់​ការ​បួងសួង ប៉ង​ប្រាថ្នា​អ្វី​កាល​ពី​ពេល​មុន ក៏​អាច​ក្លាយ​ជា​ការ​ពិត​នៅ​ចំពោះ​មុខ នា​ពេលវេលា​ពាក់​កណ្តាល​ខែ​ត​ទៅ។

លាភ​ធំ​ចាំង​ចូល​មក​ក្នុង​ជីវិត ហុងស៊ុយ​ល្អ ង៉ូវ​ហេង​ឡើង​ខ្ពស់​ផុត​លេខ អង្រែក​នៃ​ទុក្ខ​នៃ​សោក​ដូច​ត្រូវ​បាន​គេ​ជួយ​សម្រាល ហើយ​ក្នុង​ពេល​ដំណាល​គ្នា​នេះ ក៏​នឹង​មាន​ឱកាស​ឡើង​ឋានៈ​បុណ្យ​សក្តិ តួ​នាទី រី​ឯ​ការ​រកស៊ី នឹង​កើត​បាន​អតិថិជន​ច្រើន​បន្ថែម ចំណេញ​ប្រាក់​យ៉ាង​សម្បើម​ល្មម​អាច​សាងសង់ ថែម​សាខា​ថ្មី នៅ​រយៈ​កាល​ឆ្នាំ ២០២៣ ខាង​មុខ។

អ្នក​កើត​ឆ្នាំ​ម្សាញ់ - ពស់

Ice_screenshot_20221207 142333

ទេវតា​ចម្រាញ់​យក​ឆ្នាំ​ចំនួន ៤ នៅ​ចំណោម​ឆ្នាំ​ទាំង ១២ ហើយ​ក៏​មាន​ឆ្នាំ​ម្សាញ់ អាច​កើត​សំណាង កើត​លាភ​កើត​លុយ​ហៀរ​មក​ក្នុង​ដៃ​ផង​ដែរ។ ស៊ែចេញៗ ខមិន​លេខ $១៦៨ រង្វង់​ពាក់​កណ្តាល​ខែ​ធ្នូ អស់​មាន​ការ​រអ៊ូ ហត់នឿយ​អ្វី​ទៀត​ហើយ ជីវិត​ដូច​ឆ្លង​ដល់​ត្រើយ​នៃ​សុខ កើត​តែ​សុភមង្គល កើត​តែ​ស្នាម​ញញឹម​តាំង​ពី​ព្រលឹម​ទល់​ព្រលប់។

ក៏​ដោយសារ​តែ​មុន​បញ្ចប់​ឆ្នាំ ២០២២ ការ​ជាប់​ពឹង​ពាក់ ខ្ចី​បុល​ប្រាក់​ពី​នរណា ក៏​នឹង​លែង​មាន​ត​ទៅ​ទៀត សម្រាប់​អ្នក​កើត​ឆ្នាំ​ម្សាញ់ ជា​រួម​អាច​ដោះស្រាយ ដូច​ដោះ​បន្លា​ក្នុង​ទ្រូង៕

ប្រភព៖ បរទេស | ប្រែ​សម្រួល៖ ក្នុង​ស្រុក