ដឹង​តែ​មិន​ខ្វះ​លុយ​ចាយ ​សប្បាយ​ផុត​លេខ​ឆ្នាំ​ទាំង ៤ បួងសួង​អ្វី​ក៏​សម្រេច​នៅ​ឆ្នាំ​ថ្មី ២០២៣

ក្បួន​ហុងស៊ុយ​ចិន​សែ​ដែល​ល្បី​ឆុត​នៅ​ឯ​ក្រៅ​ប្រទេស បាន​ប្រមើល​មើល​ទាយ​ឃើញ​ជោគវាសនា​មហា​ឆ្នាំ​ទាំង ៤ ដឹង​តែ​នឹង​មាន​លុយ​ឥត​ខ្វះ​ចាយ សប្បាយ​ផុត​លេខ ហើយ​រាល់​ការ​បួងសួង​អ្វី​ក៏​ងាយ​នឹង​សម្រេច នៅ​រង្វង់​ឆ្នាំ​ថ្មី ២០២៣ ខាង​មុខ៖

អ្នក​កើត​ច – ឆ្កែ

Ice_screenshot_20221207 141721

Ice_screenshot_20221207 141710

រាសី​អស់​លោក​អ្នក​កើត​ឆ្នាំ​ច កម្រ​កើត​មាន​ណាស់ ដោយ​នៅ​ឆ្នាំ ២០២៣ ខាង​មុខ គឺ​នឹង​ឡើង​ខ្ពស់​ត្រដែត អឺត​ទៅ​ឆ្វេង​ក៏​ឃើញ​លាភ អឺត​ទៅ​ស្តាំ​ក៏​ឃើញ​សំណាង ជា​រួម​ភាព​មានបាន​រំលេច​ចំពោះ​មុខ​រៀងរាល់​ថ្ងៃ។

យ៉ាង​ណា​ទាំង​បុរស​និង​ស្រ្តី ​ត្រូវ​ប្រញាប់​សម្រុក​បញ្ចប់​កិច្ចការ​សេសសល់​នៅ​ឆ្នាំ​ចាស់ ២០២២ នេះ មិន​ដូច្នោះ​ទេ​អាច​រាំងស្ទះ​ដំណើរ កើត​ការ​លំបាក​ខ្លះៗ​នៅ​ឆ្នាំ​បន្ទាប់។ ចំពោះ​អស់​លោក​អ្នក​មាន​មុខរបរ​ជួញដូរ​រកស៊ី​នានា ក៏​ល្អ​ដូច​ការ​ចង់​បាន ជា​រួម​គឺ​លូតលាស់​រីកចម្រើន ហុច​ផ្លែផ្កា​ល្អៗ​តប​មក​វិញ​ជានិច្ច។

អ្នក​កើត​ឆ្នាំ​រោង – នាគ

Ice_screenshot_20221207 141716

ការ​ប្រកប​ការងារ ការ​រកស៊ី​នានា នឹង​មាន​ភាព​រលូន​ល្អ រី​ឯ​ការ​ដាក់​គោលដៅ​ចង់​ធ្វើ​អ្វី ក៏​នឹង​សម្រេច​ដល់​គោលដៅ​ឥត​ទើស​ចិត្ត។ លាភ​ញឹក​ដូច​សម្បុក​ឃ្មុំ រុំ​ដោយ​មាស​ដោយ​ពេជ្រ​ចាំង​ពន្លឺ គឺ​ថា​ល្មម​នឹង​អ្នក​ដទៃ​ច្រណែន ចង់​បាន​ដូច​ជា​អ្នក ជា​ពិសេស​ពេលវេលា​ដើម​ឆ្នាំ​ថ្មី ២០២៣ នោះ​តែ​ម្តង។

ចំណែក​ការ​ធ្វើ​ដំណើរ​កម្សាន្ត ឬ​ធ្វើ​ជំនួញ​តាម​ផ្លូវ​ទឹក ផ្លូវ​អាកាស ឬ​ផ្លូវ​គោក ជា​រួម​គឺ​ផ្លូវ​ទាំង​បី មិន​ថា​ជិត​ឆ្ងាយ ក៏​នឹង​ជួប​តែ​សុខ​សប្បាយ។ រី​ឯ​បញ្ហា​សុខភាព​ក៏​នឹង​មិន​មាន​ការ​ឈឺថ្កាត់​អ្វី​ធ្ងន់​នោះ​ដែរ តែ​បើ​អ្នក​កំពុង​ជួប​ជំងឺ​គាំង​ដំណើរ​ណា​មួយ នោះ​នឹង​ក្លាយ​ទៅ​ជា​ធូរស្បើយ​នា​ពេលវេលា​ឆាប់ៗ​ខាង​មុខ​តែ​ម្តង។


អ្នក​កើត​ឆ្នាំ​ខាល – ខ្លា

Ice_screenshot_20221207 141719

ដំណើរ​ជីវិត​អស់​លោក​អ្នក​កើត​ឆ្នាំ​ខាល នៅ​វេលា​ឆ្នាំ​ថោះ ២០២៣ នឹង​ផ្តល់​ផល​ល្អ បវរ​ប្រសើរ អាច​រើ​បម្រាស់​ចេញ​ពី​ភាព​ក្រ​លំបាក ប្រែ​មក​វិញ​តែ​ភាព​ស្រណុក​សុខ​ស្រួល​ទាំង​ផ្លូវ​ចិត្ត​និង​ផ្លូវ​កាយ។

បើ​អ្នក​កើត​ឆ្នាំ​ខាល ចាប់​អារម្មណ៍​ចង់​ចាប់ផ្តើម​របរ​រកស៊ី​មិន​ថា​តូច​ធំ ពេលវេលា​ឆ្នាំ​ក្រោយ​គឺ​ល្អ​បំផុត​ ដាក់​ទុន​ងាយ​កើត​ចំណេញ ទិញ​អ្វី​ចូល មិន​ងាយ​ខាត ជីវិត​ធ្លាប់​តែ​ធ្លាក់​ដល់​បាត ឥឡូវ​ត្រៀម​ខ្លួន​ចុះ កៀក​នឹង​ឡើង​ដល់​ចំណុច​កំពូល​ហើយ។

អ្នក​កើត​ឆ្នាំ​មមែ - ពពែ

Ice_screenshot_20221207 141721

ងាយ​កើត​ផល​កម្រៃ​ច្រើន​ជាង​ឆ្នាំ​ចាស់ សម្រាប់​ម្ចាស់​ឆ្នាំ​មមែ នៅ​ពេល​ខាង​មុខ ២០២៣។ ដំណើរ​ជីវិត​អាច​រីកចម្រើន​ជឿនលឿន​ទៅ​មុខ​យ៉ាង​គាប់​ប្រសើរ រី​ឯ​របស់របរ​ប្រើប្រាស់​នឹង​ទទួល​បាន​ថ្មី ជា​រង្វាន់​ពី​ស្ថាប័ន​ការងារ ឬ​ដៃ​គូ​រកស៊ី​ណា​មួយ។

រឿងរ៉ាវ​មិន​ល្អ ល្អក់កករ​ក្នុង​ជីវិត នឹង​ដូច​គេ​លុប​បំបិទ​ត្រឹម​ចុង​ខែ​ធ្នូ ឆ្នាំ ២០២២, Free មក​វិញ​តែ​លាភ​តែ​មង្គល គិត​អ្វី​ថា​អ្វី​ក៏​ឆាប់​យល់ ពោល​នឹង​គ្មាន​ការ​ហត់នឿយ ឬ​ជួប​ឧបសគ្គ​អ្វី​ធំ​ឡើយ។ ២០២៣ ជា​ឆ្នាំ​របស់​អ្នក​ហើយ ម្ល៉េះ​ក៏​សូម​ចាំ​ត្រង​យក​ឱកាស​ទាំង​អស់​នោះ​ឲ្យ​បាន​ល្អ​ផង កុំ​ឲ្យ​កន្លង​ហួស​ទៅ​ដោយ​ឥត​ប្រយោជន៍៕

ប្រភព៖ បរទេស | ប្រែ​សម្រួល៖ ក្នុង​ស្រុក